မပြီးဆုံးသေးတဲ့ခြေလှမ်းတွေနဲ့ 
မကျက်နိုင်သေးတဲ့ဒဏ်ရာဟောင်းကြား
ကိုယ့်အမာရွတ်ကိုယ်ပြန်ပြန်စမ်း
သွေးချင်းချင်းနီကာလကိုလွမ်းမောရကြရင်း
ငါတို့ ယုံကြည်မှုဟာ
ငါတို့ ဆာလောင်မှုကိုချော့သိပ်ရဲ့ ။ ။
မနေ့ တစ်နေ့ ကလိုပေါ့သူငယ်ချင်း
ငါတို့ တတွေသီချင်းမဆိုဖြစ်တော့တာ ကြာခဲ့ပြီပဲ
ငါတို့ ရှင်သန်ခြင်းဟာ ခေါင်းစဉ်ရှိရှိကြီးနဲ့  မဲ့တယ်
ရှိသမျှအိပ်မက်ကို ဓါးပြတိုက်ခံလိုက်ရ
ဘ၀ ဆိုတာ
ကားခတွေဈေးကြီးလာတဲ့အခါ
စက်ဆုပ်ရွံ့ ရှာဖွယ်။ ။
ငါ့အာရုံတွေကျပ်သိပ်နေပုံက
မြို့ ပတ်ရထားကြီးနဲ့ မခြားဘူးသူငယ်ချင်း
အပေါ်သွားနဲ့ အောက်သွား ဖိညှပ်သံတကျိကျိမှာ
ဘယ်တီးလုံးနဲ့ ကခုန်ရမယ်ငါတို့ မသိခဲ့
ငယ်ငယ်ကရေးဖူးတဲ့အက်ဆေးတွေလို
မင်းကို ငါ
ဖိတ်ခေါ်လိုက်တယ် သူငယ်ချင်း။ ။
မင်းဘယ်တော့ထလာခဲ့မှာလဲ
ငိုမလို ရယ်မလိုဖြစ်နေတဲ့မြို့ ကြီးကိုရှုစားဖို့ 
ပြီးတော့........................
တို့ အတူတူ....
ကဗျာတစ်ပုဒ်ကို အသက်သွင်းကြဖို့  ။ ။
Subscribe to:
Post Comments (Atom)
No comments:
Post a Comment